Djeg veturën e 100 mijë frangave për t`i shpëtuar pagesës: 2 vjet e gjysmë burg për zjarrvënie

Nga Redaksia 15.11.2017 09:26

Kosovari sot 25 vjeçar dëshironte që të siguronte ndërprerjen automatike të kontratës së leasingut dhe të lirohej nga detyrimi për të paguar këstet e mbetura në bazë të kontratës

Ka ndodhur në natën e vitit të ri, në vitin 2014, në Willisau. Në garazhin e një lagjeje banimi, një i ri me shtetësi të Kosovës, sot 25 vjeçar, ia kishte vënë zjarrin veturës së tij BMW X5, të blerë me leasing, që kushtonte 99 mijë franga, shkruan radiopilatus.ch. Në këtë mënyrë ai dëshironte që të siguronte ndërprerjen automatike të kontratës së leasingut dhe të lirohej nga detyrimi për të paguar këstet e mbetura në bazë të kontratës.

Ai i kishte borxh edhe 50 mijë franga firmës ku e kishte marrë makinën, transmeton albinfo.ch. Veç kësaj, 25 vjeçari kishte mbetur mbrapa me pagesat e kësteve dhe e kishte tejkaluar për 10 mijë kilometra kufizimin vjetor.

Sidoqoftë, plani i tij për të shpëtuar njëherë e mirë nga bvorxhetr, dështoi keq. Zjarri që ai i vuri makinës së tij, u përhao edhe në dy makina tjera që ishin afër BMW-së së tij. Për më tepër, edhe të gjitha makinat bashkë me objektet tjera që ishin në garazh u dëmtuan rëndë nga tymi dhe bloza, përcjell albinfo.ch. Madje edhe shkallët të cilat e lidhin bllokun e banimit me garazhin ishin mbushur me blozë dhe me tym. 13 banorë të kësaj ndërtese u detyruan të kontrolloheshin te mjeku, me dyshimin për helmim nga tymi.

Dëmi i shkaktuar material kalonte 500 mijë frangat.

I akuzuari, në procesin që është mbajtur në Gjykatën e Krimeve në Lucern, është dënuar me 2 vjet e gjysmë burg, përcjell albinfo.ch. Nga këto, vetëm 8 muaj burg efektiv ndërsa 22 muajt tjerë, me kusht, me kohë prove prej dy vitesh.

Gjykata e ka liruar 25 vjeçarin nga pika e akuzës për mashtrim të sigurimit. Lirimi ka ndodhur pasi që në këtë pikë ishte bërë një gabim procedural dhe gjykata ka vendosur në të mirë të të akuzuarit.

Vendimi nuk është ende i plotfguqishëm kështu që i dënuari mund ta atakojë atë në Gjykatën e Kantonit të Lucernit.

(Foto: Ilustrim, nga Prokuroria e Përgjithshme e Lucernit)

 

Nga Redaksia 15.11.2017 09:26
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.