“Serbia e humbi Kosovën 18 vite më parë”

Nga Redaksia 13.11.2017 06:54

Drejtori i të ashtuquajturës Zyra për Kosovën, Marko Gjuriq, gjatë vizitës së tij të fundit në Mitrovicë ka deklaruar se Serbia do të luftojë, në mënyrë që të mos e humbasë territorin e Kosovës.

Por, analistët kosovar e shohin këtë vetëm si deklaratë për të përforcuar pozicionin e saj diplomatik dhe politik.

Profesori i Sociologjisë, Fadil Maloku, ka thënë se kjo është vetëm një bllof i radhës nga ana e Serbisë, jo për të dëshmuar gatishmërinë luftarake, por për ta përforcuar veten.

Maloku ka cekur tri pika, të cilat e kanë quar Serbinë në këtë pikë.

“a)Për ta përforcuar pozicionin e saj politik dhe diplomatik, (karshi presionit të Brukselit dhe Washingtonit), për ta; b) Për ta fut në agjendë protokolare idenë e ndarjes së veriut me mjete paqësore, dhe për ta; c) Për ta ritestuar hegjemoninë ruse, që tashmë është në ekspanzion e sipër edhe në nivel kontinental e global. Mjerisht, nga Qeveria Kosovare nuk po shoh ndonjë fokusim të theksuar, dhe koncentrim të duhur rreth kësaj problematike. Ajo, duket që akoma gjendet në "atmosferën" e  vetëkënaqësisë, dhe përshtypjes së trashëguar që nga paslufta, se për këto tema "madhore" duhet të priten instruksione, rekomandime, e këshillime nga partnerët tanë strategjikë (eufemizëm për Washingtonin)”, tha Maloku.

Ai ka theksuar se nga Qeveria e Kosovës, akoma nuk është parë, as ndonjë platformë apo kornizë bazë se si t'i qaset kësaj çështjeje, me interes shtetëror dhe kombëtar.

Ndërkaq, njohësi i çështjeve të sigurisë, Burim Ramadani, ka thënë për Indeksonline se deklarata e Gjuriqit ka për qëllim provokimin e Kosovës dhe se Serbia nuk mund të fitojë territor në raport me Kosovën.

“Së pari, besoj se kjo deklaratë e Gjuriqit ka për qëllim provokimin dhe ngritjen e mëtutjeshme të tensioneve midis Kosovës dhe Serbisë. Si e tillë, është deklaratë plotësisht e bazuar në logjikat e vjetra të shekullit të kaluar. Së dyti, Serbia as nuk mund të luftojë dhe as nuk mund të fitojë territor apo çka do tjetër në raport me Kosovën. Serbia e ka humbur luftën para 18 vjetësh dhe për këtë duhet të vetëdijesohet elita politike e atjshme. Së treti, Serbia nuk po i ndihmon serbët kosovarë me kësolloj deklaratash dhe po e pengon integrimin e plotë në jetën publike në Kosovë. Serbët kosovarë duhet të kuptojnë se këto deklarata janë për interesa të politikanëve në Serbi dhe asgjë nuk i favorizon përmirësimin e jetës së serbëve kosovarë. Së fundmi, askush në Kosovë nuk duhet të ndihet i kërcënuar nga deklarata e Gjuriqit, përpos vet elitës politike në Serbi”, tha Ramadani. 

 

Nga Redaksia 13.11.2017 06:54
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.