Shqiptarë e serbë, diskutojnë për shtetin dhe pozitën e shqiptarëve në Luginë (foto)
Lokale

Shqiptarë e serbë, diskutojnë për shtetin dhe pozitën e shqiptarëve në Luginë (foto)

30.Sep.2014 18:00
0

Tribuna e mbajtur sot në sallën e vogël të shtëpisë së kulturës në Bujanoc ka mbledhur përfaqësuesit më të rëndësishëm shqiptarë dhe serb të Luginë të diskutojnë në temën “Shteti dhe pozita e shqiptarëve në jug të Serbisë”.

Panelistë në tribunë ishin deputeti Shaip Kamberi, zëvendësi i avokatit të popullit Robert Sepi, kryetari i Këshillit Kombëtar Shqiptar Galip Beqiri dhe kryetari i Kuvendit Komunal të Bujanocit Jonuz Musliu.

Duke hapur këtë takim, Musliu radhiti problemet me të cilat ballafaqohen shqiptarët edhe pse në vitin 2001 është nënshkruar marrëveshja për zgjidhjen e problemeve të shqiptarëve.

“Në këtë pjesë ka pas luftë, bisedime dhe marrëveshje mes palëve për t’i zgjidhur problemet e shqiptarëve, mirëpo qeveria deri më sot nuk i ka zgjidhë problemet”, tha Jonuz Musliu i cili i bëri ftesë edhe serbëve që jetojnë në këtë komunë të angazhohen për zgjidhjen e problemeve të shqiptarëve.

“Nuk keni mund të sillni askënd nga Beogradi për të dhënë sqarime zyrtare”, tha Robert Sepi, zëvendësi i mbrojtësit të drejtave të  qytetarëve nga pakicat kombëtare.

Ai këto komente i bëri pasi organizatorët e tribunës njoftuan se, edhe pse kishin ftuar përfaqësues nga Beogradi ata, “për shkak të obligimeve”, nuk kishin mundur të jenë prezent në tribunë.

Përndryshe, Sepi theksoi se, përveç Beogradit, i vetmi vend ku avokati i popullit ka zyre, është ajo në Bujanoc.

“Që pesë vite kemi hapë zyrën e cila është e vetmja jashtë Beogradit. Në adresën tonë nga ky rajon paraqiten rreth 25 ankesa në muaj nga palët që e arsyetohen hapjen e zyrës”, u shpreh Sepi, raporton Titulli.

Deputeti popullor Shaip Kamberi tha se nuk ka vullnet politik për realizim të problemeve, duke vënë në pikëpyetje respektimin e ligjeve vendore e ndërkombëtare për të drejtat e pakicave.

“Sa është arritur qëllimi i marrëveshjes së Konçulit të vitit 2001, i njohur edhe si plani i Coviqit? Në territorin e komunës së Bujanocit, Preshevës dhe Medvegjës, numri i të punësuarve në organe dhe institucione shtetërore është 1.596, prej të cilëve 387 shqiptarë, 17 romë dhe 1.188 serbë, që është shumë shumë larg nën të drejtat e garantuara”, tha Kamberi, duke nënvizuar se struktura e popullsisë duhet të korrespondojë me atë të punësimit.

Nga ana tjetër kryetari i Këshillit Kombëtar Shqiptarë ndaloi tek problemet që i kanë shqiptarët me tektet mësimore duke theksuar rëndësinë e dhënies së prioritetit për librat në gjuhën shqipe.

Ai nënvizoi edhe mosrespektimin e dygjuhësisë në institucionet lokale e shtetërore. “Deri më sot kemi pas probleme në organet e vetëqeverisjes lokale që nuk përfillin sa duhet të drejtën në shkrim dhe të folur, mbrapa mbeten edhe policia e gjyqësori”, tha ndër të tjera Beqiri.

Përndryshe, në këtë organizim prezantuan edhe përfaqësues të institucioneve nga radhët e bashkësisë serbe, përfshirë këtu edhe deputetin serb në Parlamentin e Serbisë i cili vjen nga Bujanoci, Nenad Mitroviq.

Tribuna e cila të martën u mbajt në Bujanoc u organizua nga OK Radio në kuadër të projektit “Sundimi i ligjit-të jetojmë si gjithë bota normale”, i mbështetur nga Bashkimi Evropian./Titulli.com/

Krijimtari Sadullahu pritet nga Beqiri, dhuratë libri me vlerë historike e shkencore
"Mësimet nga e kaluara, në të mirë të së ardhmes" (foto)
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration