ALBERT ROHAN: KATALONIA NUK MUND TË KRAHASOHET ME KOSOVËN

Nga RedaksiaR 13.10.2017 11:28

Në një artikull autorial në gazetën vjeneze die Presse, njëri nga ndërmjetësuesit e bisedimeve për zgjidhjen e statusit të Kosovës që u mbajtën në Vjenë, Ambasadori austirak Albert Rohan, ka shpjeguar pse pavarësia e Kosovës është rast i veçantë dhe pse rasti i Katalonisë nuk mund të krahasohet me Kosovën.

“Çdo rast duhet të vlerësohet sipas veçantive dhe specifikave që ka dhe tek atëherë mund të gjykohet për të drejtën e secesionit  të një vendi. Në rastin e Kosovës bëhet fjalë për një diskriminim fundamental nga ana e një shteti” shkruan fillimisht në artikullin e tij Albert Rohan, transmeton RTKlive.

“Kosova kishte një status të dyfishtë: Statusin e Krahinës autonome dhe të drejtën e entitetit të përfaqësimit  të barabartë në Federatën e Jugosllavisë me Republikat që u ndanë nga ish Jugosllavia” sqaron ai tutje.

“Statusi i saj i entitetit të barabartë në Federatën jugosllave, humbi me shpërbërjen e Jugosllavisë, ndërsa statusi i autonomisë u suspendua në vitin 1989 nga Serbia. Si reaksion, në shtator të vitit 1991 popullata shumicë shqiptare realizoi referendumin e pavarësisë  me një pjesëmarrje prej 87 për qind të popullatës dhe me një votim pro pavarësisë prej 99 për qind të votuesve në referendum”, sqaron tutje diplomati austriak.

“Pas kësaj vjen deri te shtypja masive ndaj popullatës shumicë shqiptare në Kosovë nga ana e Qeverisë së Beogradit dhe për pasojë, fundi i lëvizjes paqësore  dhe fillimi i kryengritjes së armatosur kundër sundimit serb”.

“Kjo shkaktoi në vitin 1998/99 operacionet ushtarake të Serbisë ku për pasojë u dëbuan nga Kosova 800.000 kosovarë. Për t’i dhënë fund këtij dëbimi masiv, komuniteti ndërkombëtar vendosi ndërhyrjen ushtarake ndërkombëtare. Në Kosovë më pas u vendos UNMIK dhe misioni ushtarak KFOR. Më 2006, me iniciativën e Kai Aides nga OKB-ja filluan në Vjenë bisedimet për statusin e ardhshëm të Kosovës dhe si rezultat i propozimit të zgjidhjes nga i ngarkuari i posaçëm i OKB-së, Marti Ahtisari, Kosova më 2008 shpalli pavarësinë. Beogradi kundërshtoi dhe me iniciativën e tij, me këtë çështje u mor edhe Gjykata Ndërkombëtare, e cila vlerësoi se pavarësia e Kosovë nuk ishte në kundërshtim me të Drejtën Ndërkombëtare”, shkruan Rohan, përcjell rtklive.

“Asnjë prej këtyre zhvillimeve nuk ngjasojnë me situatën në Kataloni, e cila me gjuhë, identitet dhe kulturë i takon historisë së përbashkët të Spanjës. Katalonia ka zhvillim të lartë ekonomik dhe ka një autonomi gjithëpërfshirëse të garantuar me kushtetutë dhe administrate”, ka shkruar në tekstin autorial të botuar në die Presse, ish ndërmjetësi ndërkombëtar për statusin e Kosovës, Albert Rohan.

 

Nga RedaksiaR 13.10.2017 11:28
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.