Një realitet kohor me dy standarde, Lugina dhe serbët në Kosovë

Nga Redaksia 08.01.2017 11:26

Teksa fjalët hapërojnë rrëshqitshëm gjithandej ku jetojnë shqiptarë, veprat konkrete zënë vendin e tyre në hapësira ku jetojnë serbë. Fotografitë e fjalët, rezolutat, memorandumet e vizitat të kohëpaskohshme assesi nuk po arrijnë të kthehen në vepra, gjersa në të njëjtën kohë, zëshëm dhe në mënyrë konkrete, Serbia po përkujdeset për serbët në Kosovë.

Shkruar nga Fatlum Q. Hetemi-Preshevë

Kosova e Shqipëria përkujdesjen ndaj shqiptarëve, jashtë kufijve administrativë, kanë vendosur ta kufizojnë vetëm brenda të thënave të pabëra e, në të njëjtën anë, të thënat, Serbia po i shndërron në vepra konkrete. 

Pasqyra më e qartë e këtij dallimi brenda një mundësie të barabartë është ndarja e buxhetit për këtë vit. Gjersa pushtetmbajtësit në Kosovë e Shqipëri herë pas herë flasin përmes takimeve apo rrjeteve sociale për shqiptarët e Luginës, Serbia nga buxheti i vet ndan 40 milionë euro për serbët që jetojnë në Kosovë. Kjo pikënisje e  pabarabartë, tregon ashiqare seriozitetin institucional të shteteve përkatëse për qytetarët e etnisë së vet, të cilët jetojnë si pakicë në shtete tjera.

Në vend që sjellja e Serbisë shtetërore ndaj serbëve që jetojnë në Kosovë t'i bëjë cytje Kosovës dhe Shqipërisë për reflektim, këtyre kjo sjellje as që po i bën përshtypje. Derisa mosinteresimi i Kosovës dhe Shqipërisë po kontribuon për largimin e shqiptareve nga Lugina, Serbia po forcohet brenda Kosovës përmes serbëve që jetojnë në këtë shtet.

Ky dallim i theksuar vjen më shumë si paaftësi e shteteve shqiptare, sesa si aftësi e shtetit të Serbisë. Këta tanët zvogëlohen kur është fjala me të tjerët dhe zmadhohen kur është fjala me ne. Kjo qasje kundërproduktive ka sjellë këtë realitet kohor me dy standarde, ku: diku diskriminimi negativ është i tejtheksuar dhe diku tjetër diskriminimi pozitiv i tejtepruar.  

Në rast se vazhdohet me të njëjtën sjellje, ku përveç fjalëve veprat mungojnë, atëherë për shqiptarët e Luginës, largimi nga kjo trevë mbetet e vetmja shpresë e padëshiruar. Kosova dhe Shqipëria, patjetër dhe urgjentisht, duhet që çështjen e shqiptarëve të Luginës ta kenë pjesë të prioriteteve, ku ndarja e mjeteve nga buxhetet përkatëse të jetë praktikë e padiskutueshme.

Përndryshe, mungesa e veprimeve konkrete dhe shkurtpamësia e tyre, pra e Kosovës dhe Shqipërisë shtetërore, pasojat në Luginë veç çka i rëndon. 

Nga Redaksia 08.01.2017 11:26
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.