“Pa kufi” në Luginë, artistët përmbyllën koloninë e tyre, merr pjesë edhe ministri Makolli (foto)

Nga Redaksia 22.08.2014 21:51

Artistët nga Kosova, Shqipëria e Maqedonia, në Preshevë kanë promovuar veprat dhe aftësitë e tyre artistike me qëllim të përfshirjes së artit në përditshmërinë e shoqërisë shqiptare të Luginës si dhe integrimin e tyre me pjesën tjetër të kombit.

Sot (e premte) që ishte dita e fundit e qëndrimit të tyre, kolonia artistike e titulluar “Pa kufi”, në Luginë shpalosën veprat e tyre artistike të bëra në Luginë, përderisa një vizitë ekspozitës së tyre i bëri Ministri i Diasporës së Qeverisë së Kosovës, Ibrahim Makolli.

“Është me rëndësi të veçantë që ky aktivitet mbahen në Kosovën Lindore për shkak të rrethanave që gjendet kjo pjesë, ndaj kësisoji dëshmojmë edhe njëherë se pavarësisht rrethanave të cilat gjendet kjo pjesë e kombit tonë me që tash bënë pjesë në një tërësi të një trupi të kombit tonë dhe poashtu bënë pjesë në një krijimtari të përgjithshme tonën kombëtare”, u shpreh para të pranishmëve ministri Makolli, raporton Titulli.

Ai gjithashtu theksoi se këtu nuk është në diasporë por në Kosovën Lindore duke shtuar se kjo është pjesë e kombit tonë.

Artistët shqiptar pjesëmarrjen në koloninë artistike në Luginë e vlerësuan diçka që kalon kufijtë e artit. Ata me emocione u shprehën se qëndrimi për pesë ditë në Bujanoc dhe Preshevë ka arrit që të mbushë edhe një zbrazëti shpirtërore, qëndrimi në këto troje shqiptare.

“Kamë marrë pjesë në koloni artistike të ndryshme, mirëpo sikur kjo në Luginë të Preshevës nuk ishte asnjë. Mikpritje si këtu në kamë gjet askund në trojet ku kamë qëndruar. Që në momentin kur u vura në dijeni nga galeria “Qahili” me qenë prezentë në këtë Luginë, e cila është një krahinë shqiptare tepër specifike për të gjithë ne shqiptarët. Duhet të them që jemi të lumtur që jemi prezent pasi pikturuam peizazhe të natyrës, jetën, atmosferën në këtë hapësirë shqiptare”, u shprehë artisti Kujtim Buza.

Edhe pjesëmarrësit nga Lugina të pranishëm në këtë ekspozitë të artistëve nga Kosova, Shqipëria e Maqedonia vlerësuan lartë veprat e tyre e sidomos pjesëmarrjen në këtë rajon.

Përndryshe në koloninë artistike “Pa kufi” morën pjesë gjithsejtë 24 artistë: Bardha Buza, Agron Dine, Buron Kaceli, Kujtim Buza, Mustafa Arapi, Sadik Kasa, Sefedin Stafa, Esat Valla, Luan Shahiqi, Musa Kalaveshi, Mumin Jashari, Veli Blakqori, Arben Shala, Mentor Avdili, Lindita Beqiri, Nehat Beqiri, Altin Hetemi, Fitore Fejzullahu, Flutra Aliu, Leoneta Abdyli, Sabedin Hetemi, Selman Selmani, Valon Arifi e Eshref Qahili.

Ata për pesë ditë rresht, nga 18 deri më 22 gusht pikturuan pjesë të ndryshme të Luginës, veprimtaria e të cilëve kishte ngjallë kureshtje në mesin e banorëve të Preshevës e Bujanocit.

Ky aktivitet kulturorë në Luginë ishte organizuar nga galeria “Qahili” me seli në Prishtinë me mbështetje të Ministrisë së Diasporës së Qeverisë së Kosovës.

Në ditën përmbyllëse ku u ekspozuan veprat e artistëve të pranishëm ishin edhe dy deputetët shqiptar nga Lugina, Riza Halimi e Shaip Kamberi./Titulli.com/

Nga Redaksia 22.08.2014 21:51
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.