Ibra nuk e njeh modestinë: Jam më i miri i historisë së MLS-së
Sport

Ibra nuk e njeh modestinë: Jam më i miri i historisë së MLS-së

17.Sep.2019 15:38
0

Zlatan Ibrahimovic realizoi 3 nga 7 golat e Los Angeles Galaxy në fitoren 7-2 ndaj Sporting Kansas City, duke dhuruar një tjetër performancë të shkëlqyer në MLS. Gjiganti suedez ka realizuar më shumë se gjysmën e golave të ekipit të tij në këtë sezon. Ai është në kuotën e 26 finalizimeve, 2 më pak se rivali i tij Carlos Vela i Los Angeles FC.

Përgjatë 2 sezoneve në MLS Ibra ka shënuar në total 48 gola në 52 ndeshje, shifra që, sipas tij, e bëjnë më të mirin e historisë së këtij kampionati.

“Mendoj se jam lojtari më i mirë që ka patur ndonjëherë MLS. Kjo nuk është shaka.”

I pyetur nga gazetarët se përse mendon se është më i miri, ai reagoi: “I kë ndjekur dy kampionatet e fundit, që unë kam luajtur këtu? Duhet të fitoj titullin? Jo, unë luaj për ta fituar, por jo për të treguar se cili jam.”

Dhe më pas pyetja e Zlatanit për gazetarin: – “Ju, nga jeni me origjinë?” “Meksika”. “Tani e kuptoj pse ma bëni këtë pyetje,” – ironizoi 38-vjeçari, duke iu referuar faktit se ishte bashkëkohës i Carlos Velas.

Të dielën, Ibrahimovic theu rekordin e golashënuesit më të mirë të Los Angeles Galaxy gjatë sezonit të rregullt, i cili mbahej nga Carlos Ruiz në vitin 2002 me 24 finalizime.

Trump i gatshëm të ndihmojë sauditët që t’i kundërpërgjigjen sulmit
Pesë pacientë vdesin çdo minutë nga pakujdesitë e doktorëve
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration