Dy shfaqje nga Kosova testohen edhe para publikut në Tiranë
Kulturë

Dy shfaqje nga Kosova testohen edhe para publikut në Tiranë

11.Sep.2018 09:09
0

 Dy produksione teatrore nga Kosova do të shfaqen para audiencës në Tiranë, në një festival që cilësohet si një prej ngjarjeve më të rëndësishme teatrore të vitit në kryeqytetin shqiptar.

“Kaligula” e Teatrit Kombëtar të Kosovës, realizuar nën regji të Kushtrim Koliqit dhe “Ata që ikin” e teatrit “Bekim Fehmiu” të Prizrenit, e regjisorit Kushtrim Bekteshi, janë pjesë e programit të Festivalit Mbarëkombëtar të Teatrit. Festivali sivjet do të mbahet mes datave 23 e 30 shtator dhe në të do të prezantohen 14 trupa nga të gjitha trevat shqiptare.

“Kushtrim Koliqi, regjisor i “Kaligulës”, ka thënë se ftesa për prezantim në Tiranë i është drejtuar Teatrit Kombëtar të Kosovës, specifikisht për këtë shfaqje. Ky është fillimi i rrugëtimit të “Kaligulës” së TKK-së.

Prezantimi në festivale jashtë vendit ka dalë të jetë goxha sfidë për Teatrin Kombëtar të Kosovës.

E me shfaqjen “Ata që ikin” regjisori Kushtrim Bekteshi e ka marrë çmimin vjetor për regjinë më të mirë në fushën e teatrit për vitin 2017, që ndahet nga Ministria e Kulturës, Rinisë e Sportit. Përveçqë e ka bërë regjinë, Bekteshi e ka shkruar edhe tekstin e shfaqjes që përfshin kastën prej 12 aktorësh. Dramën e ka shkruar para dhjetë vjetësh dhe trajton fatin e njerëzve që ikin, qoftë nga e kaluara, dashuria, tmerri i përditshmërisë, realiteti që ua zë frymën, apo edhe vetvetja. Kjo me shpresë se një ditë do të ndihen të plotësuar e të lumtur 

Sipas deputetit të LDK-së, “njerëz me kravata që e dinë” kush e vrau Ahmet Krasniqin, sot po heshtin
QKUK ofron mamografi falas për gratë gjatë muajit tetor
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration