Derbi përfundon pa fitues, Chelsea dhe United ndajnë pikët
Sport

Derbi përfundon pa fitues, Chelsea dhe United ndajnë pikët

16.Sep.2018 21:09
0

Chelsea dhe Manchester United kanë zhvilluar një ndeshje spektakolare ku në fund rezultati ishte i barabartë 2-2.

Chelsea e nisën më mirë këtë sfidë, pasi qysh në minutën e 21-të kaluan në epërsi.

Ishte mbrojtësi gjerman Antonio Rudiger që shënoi me kokë për 1-0, pas harkimit nga këndi të brazilianit Willian.

Chelsea vazhdoi dominimin në pjesën e parë dhe kërkuan edhe golin e dytë por një gjëje të tillë nuk ia arritën.

(Photo by Catherine Ivill/Getty Images)

Me epërsinë prej një goli të vendasve përfunduan 45 minutat e para të kësaj sfide.

Për dallim nga pjesa e parë, të dytën më mirë e nisën Djajtë e Kuq ku shënuan edhe golin e barazimit.

Sulmuesi francez, Anthony Martial u gjend më së miri në zonë për të shënuar golin e barazimit 1-1.

Chelsea tentoi ta rikthente epërsinë në minutën e 66-të nëpërmjet David Luiz, por vendimtar u tregua De Gea.

Në minutën e 73-të erdhi edhe goli i dytë për Djajtë e Kuq me autor të njëjtë.

Marcus Rashford asistoi bukur, ndërsa Anthony Martial shënoi golin e dytë personal në këtë sfidë për t’i dhënë epërsinë e parë Djajve të Kuq.

(Photo by Catherine Ivill/Getty Images)

Kur të gjithë në stadium po prisnin vërshëllimën e fundit të gjyqtarit dhe fitorja t’i takonte mysafirëve, kështu nuk mendoi Ross Barkley.

Mesfushori anglez arriti të realizonte në portën e Untiedit në minutën e 96-të nga afërsia për t’i siguruar një pikë të vlefshme skuadrës së tij.

Edhe pas këtij barazimi, Chelsea vazhdon të mbetet në pozitën e parë me 21 pikë një më shumë se Manchester City dhe Liverpool por që kanë nga një ndeshje më pak të zhvilluar.

Në anën tjetër barazimi e lë në pozitën e tetë Manchester Unitedin me 14 pikë të grumbulluara. /Telegrafi/

 

Çavuşoğlu: Kosova të dëbojë pjesëtarët e “Organizatës FETO”
Gruaja shqiptare që jeton si burrë (VIDEO)
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration