Besa Llugiqi me rol kryesor debuton në skenën polake
Kulturë

Besa Llugiqi me rol kryesor debuton në skenën polake

09.Feb.2019 09:24
0

Sopranoja e njohur kosovare Besa Llugiqi në fillim të muajit që vjen do të këtë debutim të dyfishtë: për herë të parë do të ngjitet në skenën polake e po për herë të parë do të interpretojë në operën “Thaïs” të kompozitorit francez Jules Massenet. Asaj i është besuar roli kryesor, Thaïs, që ia ka dhënë dhe emrin veprës.

Tash dhjetë ditë Llugiqi ka nisur provat në shtëpinë operistike “Baltic” në Gdánsk të Polonisë. “Baltic Opera” e filloi punën si studio e muzikës dhe e dramës në shkurt të vitit 1949, në qytetin në breg të Baltikut që sot ka afro gjysmë milioni banorë.

Shumë opera të njohura botërore, si “Cherevichki”, “Peter Grimes”, “Miraculous Mandarin” e “Rita” janë inskenuar aty dhe ka vite që merren me projekte kulturore ndërkombëtare.

Thaïs është roli për të cilin sopranoja kosovare do të përgatitet deri në ditën e parë të marsit, kur do të jepet premiera. Fill pas saj në program janë edhe dy repriza, e në program kjo operë do të jetë deri në qershor. Llugiqi “është” një kurtizane e cila cilësohet si mëkatare.

“Thaïs” bazohet në librin e novelistit dhe poetit francez Anatole France, fitues i “Nobelit” më 1921. Është operë në tri akte. Për herë të parë qe inskenuar në shtëpinë e operës “Garnier” në Paris më 1894 dhe rolin kryesor e kishte sopranoja amerikane Sibyl Sanderson. Ngjarja e operës zhvillohet në Aleksandri, dhe në thelb ndjek historinë e murgut Anathel që kërkon të shpengojë kurtizanen Thaïs nga mënyra e saj mëkatare e jetesës. Ai tenton ta fitojë shpirtin e saj për hir të perëndisë, duke rënë në dashuri me të. Në fund ajo vdes.

Përgatitjen e rolit Llugiqi e ka cilësuar si punë sfiduese, për faktin se përgjegjësia mbetet te roli kryesor të cilin e bart ajo.

Nënë Tereza: Për gruan
​50 vjet më parë u realizua fluturimi i parë testues i Boeing 747
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration