Austria fuqizon masat kundër pandemisë, maskat jo të detyrueshme në klasa
Rajoni dhe Politika

Austria fuqizon masat kundër pandemisë, maskat jo të detyrueshme në klasa

12.Sep.2020 08:35
0

Austria ka fuqizuar masat kundër pandemisë, pas rritjes së numrit të të infektuarve me koronavirusin e ri që e shkakton sëmundjen COVID-19.

Kancelari austriak, Sebastian Kurz, tha se duke nisur nga data 14 shtator, mbajtja e maskave do të jetë e detyrueshme në të gjitha dyqanet dhe ndërtesat publike. Sipas rregullave të reja, maskat e fytyrës do të jenë të detyrueshme në korridoret e shkollës, por jo në klasa.

Mbajtja e maskave deri më tash ka qenë e detyrueshme në transportin publik dhe në dyqanet "thelbësore", të tilla si supermarketet dhe zyra postare.

Kurz gjithashtu njoftoi rregulla të reja për tubimet publike.

Ngjarjet pa ulëse të caktuara, përfshirë tubimet private, tani do të kufizohen në 50 persona brenda dhe 100 jashtë.

Për organizimet me spektatorë do të lejohet tubimi i 1.500 personave brenda dhe 3.000 jashtë.

"Situata po bëhet sërish serioze. Shifrat kanë vazhduar të rriten javët e fundit", tha kancelari Kurz, në një konference për media.

Deri më tani, Austria ka raportuar pothuajse 32.000 raste me koronavirus dhe 750 vdekje, raporton BBC.

 
Si u zbulua dhe parandalua "skandali" me mjetet e mediave në komunën e Buajnocit?
5 vite kur Lugina e Preshevës votoi për Asociacionin e Komunave Shqiptare në Serbi (video)
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration