AI-ja i lexon librat me zërat e autorëve
Shkencë dhe teknologji

AI-ja i lexon librat me zërat e autorëve

24.Aug.2019 11:17
0

Motori kinez i kërkimit “Sogou” është duke krijuar imitime të inteligjencës artificiale për t’i lexuar romanet e popullarizuara në zërat e autorëve.

Ky motor i paralajmëroi avatarët “e gjallë” të autorëve kinezë Yue Guan dhe Bu Xin Tian Shang Diao Xian Bing – të krijuar nga videoregjistrimet - në konferencën China Online Literature+.

Vitin e kaluar, “Sogou” i lansoi dy lexues të lajmeve AI, të cilët ende përdoren nga agjencia qeveritare e lajmeve Xinhua.

Oreksi për audio-libra në Kinë është në rritje, duke i pasqyruar kështu trendët në Perëndim, shkruan “Koha Ditore”. Instituti hulumtues kinez i medieve pret që tregu të jetë më shumë se dyfish midis viteve 2016 dhe 2020, me 7.8 miliardë juanë kinezë (900 milionë paund) në vit.

Tani është një proces i thjeshtë për ta përdorur teknologjinë tekst-në-të folur për ta gjeneruar shpejt një version audio të një libri, duke përdorur zëra sintetikë të digjitalizuar.

Por shumica e njerëzve i preferojnë audio-librat që kanë “narracione profesionale” nga autorë, aktorët ose figurat e famshme publike.

Dhe tani, përparimet në mësimin e makinerive dhe teknologjitë e të folurit në tekst nënkuptojnë që zërat e digjitalizuar po bëhen më të gjallë.

Për shembull, kompania “Lyrebird” ua mundëson klientëve të krijojnë “avatar vokal” me porosi vetëm nga një regjistrim një minutësh i zërave të tyre.

Në faqen e saj të internetit, kompania i tregon shërbimet e saj me dy audio regjistrime të ish-presidentit amerikan Barack Obama dhe presidentit aktual amerikan Donald Trump, të krijuara me përdorimin e të mësuarit të makinës.

Ndërkohë, start-up kompania e teknologjisë me bazë në Londër “DeepZen” thotë se teknologjia e saj e të folurit sintetik mund të krijojë versione të shumta të një audio-libri brenda disa orësh, duke e shkurtuar kështu kohën dhe kostot për rreth 90%.

Qumësht me mjaltë çdo mëngjes dhe ja përfitimet e mahnitshme që do të keni
Sipas Haradinajt, Serbia nuk do të ketë kurrë më punë në Kosovë
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration