1.6 milionë Euro për lirinë e Ronaldinho
Sport

1.6 milionë Euro për lirinë e Ronaldinho

09.Apr.2020 09:21
0

32 ditë ka zgjatur makthi për yllin e futbollit botëror, Ronaldinho. Braziliani mund të marrë frymë lirisht tashmë, pasi la qelitë e burgut, por përfundoi në arrest shtëpie në një hotel në Asunsion.

Sikurse njoftojnë mediat në Brazil, Ronaldinho dhe vëllai i tij kanë paguar 1.6 milionë Euro si garanci për të dalë nga burgu. Dy vëllezërit do të kontrollohen ditë e natë nga policia, që të mos arratisen nga Paraguai.

Edhe në kushtet e heqjes së lirisë 40-vjeçari tregoi klasin e tij, duke triumfuar në një turne kalçetoje brenda burgut, por më pas u eliminua në sfidën në çift në futboll-volley, kundër një vrasësi dhe një hajduti. Ish-lojtari i Milanit dhe Barcelonës ndodhej pas hekurave që prej 6 Marsit pasi u ndalua nga policia paraguajane, për shkak se zotëronte një pasaportë false, ku rezultonte si shtetas paraguajan.

Çështja e Ronaldinhos mund të zgjasë më shumë nga sa pritej fillimisht për t’u zgjidhur. Shkak është bërë pandemia e koronavirusit, pasi jo të gjitha gjykatat e Paraguajit po punojnë në kapacitetet e tyre të plota. Ish-futbollisti dhe vëllai i tij do të mbahen në dhoma të veçanta të hotelit, deri kur problemet e tyre me shtetin të marrin fund.

Mjeku francez: Kujdes, mbipesha një nga faktorët që e rrisin rrezikun e infektimit me Covid-19
Cauet: Nuk kam dyshime, Interi mund të nënshkruajë me Messin
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration